Wak, Kiko Ta Pasando Notisia .. Kiko Ta Pasando Ku Bo Titulonan Anto?

Wak, ami no ta un skibido profeshonal. Mi ta hasi mi esfuerso pa skibi algu na Papiamentu mas miho posibel. Kemen te kaminda mi abilidatnan ta pèrmiti, paso ta basta ratu pasa mi a haña un lès di Papiamentu. Tin sièrto organisashon di notisia ku mi ta vòlg riba Facebook i Kiko Ta Pasando ta unu di nan, paso eerlijk, no ta tur ora mi tin tempu pa bai par lesa henter un artikulo di kòrant.

Pero awo mi ta mira publikashonnan manera Kiko Ta Pasando Notisia i Informashon ta hasi par’i eror, i nan ta molestia mi. Serio, pa un artikulo pa kual bo tin potrèt so sin ningun otro teksto, bo por tuma bo tempu pa verifiká ku loke bo ta skibi ta korekto. Laga nos ban hopi na serio. Djis gaña hasi manera ku bo boso ta hasiendo un tiki moeite.

Erornan Riba Homepage

Wak riba e homepage aworaki, i tin yen di fout. Djis wak:

1. E prome ta lesa; E prome mainta di Garifta Games. Esaki ta un artikulo sin niun teksto rondo di dje voor de rest. Dùs un hende por a tuma nan tempu i djis lesa e titulo di nobo, den esei nan lo por a saka e fout (Garifta, kual mester ta Carifta).
2. E di dos ta bisa; Hilton Hotel Ta Bira Ku Tur Deportista Ku A Bin Partisipa Na Carifta Games. Esaki tambe ta un artikulo sin ningun otro teksto. Akinan si Carifta ta skibi nadrechi. Pero dor ku no tin teksto dne e artikulo mi’n por a sali afo kiko nan kemen ku “Hilton ta bira.”
3. Anto e ultimo ta bisa; Intento Pa Kima Sede Di Par Ku Un Monotof Bom. Porta ta ami ta hende kèns/bobo. Paso den mi bida mi a yega di tende di Molotov, pero Monotof si ta nobo pa mi. Komo un hende ku no gusta asumi kos i ku ta gusta verifika informashon, mi a hasi un random Google Search, den esei mi no a haña Monotov niun kaminda. E uniko referensia no Monotof ku Google a duna mi ta bini di e artikulo di Ta Kiko Ta Pasando mes. Esaki pa ami ta un indikashon ku e palabra aki ta inventa un kaminda den editorial room di Ta Kiko Ta Pasando. Nòrmal lo mi pensa ku ta gewoon un fout chiki, ko’i pura. Pero e palabra aki no a kom voor den e titulo di e artikulo so, pero den body di e artikulo mes tambe.Bisando mi e ora ei

• Ku e persona ku a skibi e artikulo aki no sa ta kon ta skibi e palabra;
• òf ku ta ami ta e bobo ku no sa kiko un “Monotof bom” ta.

Nos tin ku kumisa verifika info i  palabranan

Anto aki mi ta duna mi opinion personal: Kualke un organisashon di notisia respetá, ta suppose di kontrola nan artikulonan.

Vooral un organisashon di ‘Facebook News’. Ami ta konsidera organisashonnan manera Ta Kiko Ta Pasando, organisashon di ‘Facebook News’. Paso ta riba Facebook mi ta topa ku linknan ku ta referi na nan site. Pero ora bo ta deliver notisia den snack size asina, kemen notisia lihe, bo mester por sikiera verifika sierto kosnan. Un palabra manera Molotov ta un di nan.

Hopi hende no ta lesa mas leu ku un headline. I si headline di un kòrant konstantemente tin foutnan den dje, bo ta haña bo ku pueblo ta keda siña kosnan ku no ta klòp.