Kakalaka Den Mi Kamber Di Hotel

Ayera mi a yega Korsou i mi a keda den un hotel pabou di brug pa un par di dia. Mi tabata konvensi ku esaki lo ta un bon keuze, vooral paso e hotel tin un nomber.

Dor ku mi buelo tabata laat mi a yega e hotel bon laat, mi por a check in si. Mi espektativanan tabata un poko haltu. Masomenos un siman prome ku m’a bin Korsou mi tabatin e plaser i a keda par di dia den Intercontinental, un hotel ku ta karga 5 strea.

Ora mi wak e diferensia entre unda mi ta kedando aworaki i Intercontinental mi ta sinti manera kos ta den un motel mi ta kedando.

Aparte di tin ku check in den bochincha, m’a haña un kakalaka den mi baño ayeranochi. Anto ami no tin problema pa komparti mi baño, m’a yega di biba ku otro studiante. Pero kosnan ta otro ora esun ku bo ta komparti kamber kune tin chens di bula, e koi ta kansa mi mes mes.

Mi no tatin forsa ni pa mi mes, dus m’a laga e kakalaka na pas, bon kos, paso ora ma lanta mainta e no tabata tei. Stail’i batman mi ta kere, sali anochi, skonde den dia. Niun problema.. Akiratu lo mi wak ta kiko mas mi por topa den mi kamber/baño.