in

Bai Tira Un Atrako Numa Si Nan No Tuma Bo Na Trabou. Ta Nòrmal Tòg? Òf Tòg Nò?

Tira atrako si nan no tuma bo na trabou?

Mi a lesa un artikulo riba T’akimitabeba poko diana’i. Esaki ta un wèpsait ku mi sa vòlg nòrmalmente, ounke ku mi no ta di akuerdo ku tur loke nan ta skibi. Pero nòrmalmente mi por pasa mi dia lesando nan artikulonan.

Pero e ultimo artikulo ku mi a lesa einan, di un parti mi ta di akuerdo ku e artikulo aki. E ta kumisa ku e punto tokante e pensamentu den hòki i bo por saka for di dje tambe ku e schoonheidsideaal na Kòrsou ta poko off. Tur e kos a kumisa ku un mucha hòmber ku trabou no kera duna kòntrakt pa motibu di su kabei (dreads). Esaki ta poko straño, mirando ku e mucha hòmber tabatin 2 aña kaba trahando un par di aña kaba pa e kompania.

Te einan mi ta di akuerdo ku e artikulo. Loke a molestia mi un tiki ta e final. E ta bisa lo sigiente:

Ora e gainan ku bosnan ta ninga na skol óf trabou djis pasobra nan tin locs tira atrako, mata hende tur hende ta puntra “Korsou na unda nos ta bai” e ora ei si tur hende ke resa pidi Dios pa yuda nos pueblo. Het is dan te laat.

Anto e persona ku a skibi e artikulo aki ta un hende ku ta parse mi basta inteligente. Pero e artikulo aki ta duna mi un idea manera kos ku e ke justify kos malu. Esaki ta algu ku nos na Kòrsou aki gusta hasi, purba hustifika otro su erornan.

I den e kaso aki, ela hasi’e dor di trese un punto hopi balido dilanti, kual mi ta totalmente di akuerdo kune. Paso un hende su uiterlijk no ta bisa nèt nèt nada di su kapasidatnan.

Pero pa hinka e parti di tirament’i atrako aden, manera kos ku ta esei ta e uniko otro kos ku un hende por hasi ora nan no haña trabou si ta totalmente fout.

Ami a yega di pasa temporadanan sin trabou, i no paso mi no tin skol. Pero ora ma sali skol tabatin trabounan ku mi ègt tabata ke, pero mi no tabatin sufisiente eksperensia pa nan. Otronan ku mi no tabata ke, pero ku m’a solisitá riba dje for di nesesidat, mi no a wòrdu tuma, paso mi tabata overgekwalificeerd. Den tur e temporada ei, nunka mi a pensa di tira atrako, nunka mi a pensa di roba hende inosente, paso un otro a roba ami di un oportunidat.

Na Kòrsou tin yen di posibilidat, pa hendenan ku ègt ke traha. Wak na Mariepampoen, eibanda tin un gai a traha un stènt ei, p’e bende koko (niun atrako enbolbi).

Wak e mucha hòmber ku ta kana bende burito, e tambe ta saka su dia, akinan tampoko no tin atrako enbolbi.

Poko diana’i mi a wak un video di un hoben basta jong ku a kumisa hür stul ku yen otro kos na laman na bandabou. Esakinan ta algun ehèmpel di kosnan ku un hende lo por purba prome ku e pensa di bai tira atrako.

Paso ami no ta kere ku un hende desente i inteligente riba su mes ta lanta pensa kuenti oh

Pero te aki m’a yega atrobe, sino e kos aki ta bira poko muchu largu. Anto mi ta ripiti, e artikulo ta hopi bon artikulo, pero pa hinka atrako eibou ei, manera ta kos aseptabel. Nope. Tin otro opshonnan mas logiko.

Report

What do you think?

Written by Aino Korsou

Comments

Leave a Reply
  1. Hey Great, ku bo ta maak mi opmerking den mi blog bespreekbaar! Danki pa esei.. We moeten scherp blijven naar elkaar toe.
    E quote ku bo a saka foi mi blog ei tabata mas un wake up call. Laga mi splika kiko mi kemen ku e pida ei. Uitsluiting van personen kan leiden naar een slecht zelfbeeld en naar criminaliteit. Ook als je hoogopgeleid bent. Den mi blog mi no a hustifika tiramentu di atrako. Als je je baan verliest omwille van je sociale uitsluiting door je uiterlijk, je geloof je geaardheid etc. KAN het leiden tot criminaliteit dat was meer mijn punt. Na Korsou tin hopi sociale uitsluiting en daar moeten we alert op zijn.

    • Klaro ku mi ta hasi esei. Ta un tema hopi interesante ku ta haña muchu tiki atenshon.

      Mi sa ku bo no ta hustifika ku hende ta tira atrako dor di whatever reason. Pero tipo di kosnan aki ta wòrdu huza komo hustifikashon pa ladronisia. Bo ta aktivo riba facebook mi ta kere, wak kualke un tema politiko ku ta trata trabou, wak kiko hendenan ta bisa.

      Uitspraaknan manera, si gobièrnu no ta sòru pa trabou, ta p’esei e ta hòrta enz enz. I mirando ku tipo di pensamentu ei ta biba kaba bou di pueblo. Ku nan haña un source di reputashon manera boso website. Akiratu e kos lo haña e toevoeging, “p’esei e muchq muhe di Takimitabeba mes a bisa poko diana’i”.

      Anto mi ta eens ku tin hopi sociale uitsluiting, kere mi ta kos ku ami a eksperensia, pero nunka esei a pone mi bai perhudika otro hende pa ami ta bon. E por tin te maken ku karakter. Mi mama a lanta mi ku tiki, i mi tabata bewust di e situashon. I esei a pone ku nunka mi’n lanta ta ke mas di loke mi por afford, paso den ami su bista, mi no tin data pa back up esaki, pero 99% fi atrakonan ta wòrdu tira dor di hendenan ku simplemente no ke traha i ku ta demasiado materialista.

      Un hende humilde, nadrechi, ku ta satisfecho ku loke e tin, no ta lanta pensa ban tira atrako, paso tòg nan no ke tuma mi. E lo pensa, ban sikiera labs outo pa mi haña un tiki sèn òf ban kue par’i job chiki chiki, iets. Pero na mi pareser, atrako te ainda ta e ultimo kos ku lo bo pensa riba dje.

  2. Mi ta eens ku loke bo a skirbi. Pero mi ta kere ku e pida chikitu ei dimi blog a wordu uit het verband gerukt. Wak mi tin hopi aña ta traha den social work. Tin hopi hende studia i no studia ta hasi hopi kos straño dor di sociale uitsluiting. Dan pas gaan mensen zich afvragen wat gebeurd hier nou weer. Dat was het enige punt dat ik maakte. Tin muchu sociale uitsluiting riba nos isla en dat kan leiden tot wanhoop. Mi no a moedig e tiramentu di atrako aan. Mi a pone komo mogelijk gevolg van sociale uitsluiting. Gekwalificeerde mensen uitsluiten door hun uiterlijk /afkomst kan nog grote gevolgen hebben voor de maatschappij. Als jongens in de criminaliteit vallen door sociale uitsluiting dan pas wil iedereen paniek voetballen.

Geef een reactie

Loading…

0
Inzjomar Scoop TeleCuracao

TeleCuracao, Un Pregunta: Ta Vangrail, Vangreil òf Vangreel?

Gerrit Schotte a yora despues di inval na su kas

Gerrit Schotte A Yora Lubida Limpi Ta Ken E Ta..