Ayera m’a bai drumi masha trempan mes, mi no tin idea pakiko. Pero manera semper mi a lanta marduga i a bai chèk Facebook. Pa mi sorpresa mi a mira un video pasa voorbij ku Oompie Stroopie a post.

E video ta mustra Glenn Thomas para respetuosamente ta kanta e himo di Kòrsou. Un himno ku segun mi no ta hera, ta tur Djaluna bo mester a para riba plenchi di skol kanta, den e seremonia di bandera. Un ritual di 6 aña largu (depende kon lihe ba pasa e klasnan). Mi no tin rason eigenlijk, na skol bo tabata kanta e prome ku e di kuater kuplèt so.

Den background di e video tin un mener ta kantando e himno di nos isla, i e tabata den e di dos kuplèt, te einan e ku Glenn tabata eens ku otro. Sin kaba e di dos kuplèt ainda, ela skip e di tres kuplèt bai kumisa ku esun di kuater.

p’e isla prosperá. I ora nos ta leu foi kas nos tur ta rekorda. I ora nos ta leu foi kas nos tur ta rekorda, Korsou su soo i playanan, orguyo di nos tur.

Akinan Glenn a mane mira un spiritu keda wak rònt. I tanten ke ripitishon di “I ora nos ta leu foi kas” a kai, Glenn a puntra na bos haltu “Kik’e kos aki”.

Na final di e himno ku tur hende a kumisa bati man, Glenn un biaha mas mustrando su desakuerdo a bisa kara serio “Ablif?? Bosnan no por ta serio!”.

Serio nan no por ta bèrdat. E gai aki a kaba di habuza di nos himno i nos tin ku bati man p’e tambe? Kai sinta keda trankil shonnan.

Un kos mi sa, Glenn si no tabata niun tiki eens. Pero sindsdien e mucha hòmber ku a kanta, a pidi despensa na Kòrsou riba su Facebook.

 

 

Hopi laf e suseso aki ta, porta ta nèrviosismo. Kual sea e kaso, e ta un bèrguensa. Pero bon ku ela duna kara i pidi despensa, nada mas no por wòrdu hasi den e kaso aki. Pa tur sobra ku no ta kòrda e himno di Kòrsou, chèk e himno akibou.

HIMNO DI KORSOU

Promé kuplèt
Lantá nos bos ban kanta
grandesa di Kòrsou;
Kòrsou isla chikitu,
Baranka den laman!

Kòrsou nos ta stima bo
ariba tur nashon.
Bo Gloria nos ta kanta
di henter nos kurason.

Di dos kuplèt
Nos pueblo tin su lucha,
ma semper nos tin fe
di logra den tur tempu
viktoria ku trabou!

Ban duna di nos parti
p’e isla prosperá.
Laga nos uni forsa
p’asina truinfá.

Di tres kuplèt
Nos patria nos ta demostrá
Honor i lealtat,
meskos na e bandera
union di nos nashon.

Nos bida lo ta poko
pa duna nos pais,
luchando uní pa libertat,
amor i komprenshon.

Di kuater kuplèt
I ora nos ta leu fo’i kas
nos tur ta rekordá
Kòrsou su solo i playanan,
orguyo di nos tur.

Laga nos gloria Kreadó
tur tempu i sin fin,
k’El a hasi nos digno
di ta yu di Kòrsou!