Piña Colada Pa Boso Ku “Flow Hopi Duru Mane Jacintha Su Wanta”

Ami a kansa di tende rappernan lokal ku ta imita e gainan band’i Merkana’i. Lastu tempunan aki tur hende kier sa ta Young Thug of ta Migos nan ta. Djis pa boso sa, bosnan no ta. E mesun flow gedoe ei tin hende fadá. Porta bo brò chupadonan un bisa bo ainda, no wòri, p’esei nos tei.

Den weekend ku a pasa ki m’a haña chèns di tende radio i asina skucha par’i kantika nobo. No ta tur tabata dal mesun bon, por ehèmpel, e nobo di Rich ku m’a tende mi’n feel masha.Mi no sa ku ta e insidente di ultimo ei a pone pèrdè su mojo, pero mi ta spera e hañ’e bèk real quick.
E gai rapper di Hulanda ei tambe, m’a lubida su nòmber aki, djis mi ta kòrd’é. Su kantika tampoko mi no a feel, e kos ku a kansa mi ta ku e gai aki t’e uniko hende na mundu ku ta kanta ku aksento (aksènt). Tende Adele ku ta bini di UK kanta, accentloos. Rihanna den su bida nòrmal ta papia un Ingles batí ku mi’n ta ni purba kompronde. Pero dun’e un mic, ta merikano merikano e ta zona. Pero pa un motibu of otro, e gai ku yama Devi Dev aki (ma kòrd’é si) so ta kanta ku un aksènt. Yave, djis pa bo sa, bo ta kansa mi.

Na Hulandes nan ta bisa, ‘doe normaal.’ Kemen ban serio ke aksènt.

Tabatin un otro kantika nobo ku m’a tende, pero esei ta di un tipo ku a bin muchu riba Migos. Mi yave, abo tambe, b’a kansa mi. Bai bo bin pa mi. Kemen Rich, Devi Dev i e otro gai aki, please try again.

Awor tin un kantika mas ku m’a tende, of wel 2 kantika. Di un mucha muhe ku ta yama su mes Lil Queen. Na su stèm mi a pensa kaba ku ta un muha hopi yòng i su manera di papia no a yuda. E prome kantika ku m’a tende di dje tabata algu tokante di beef, i den e palabranan di e legendario Puff Daddy, yes, e tempu ei e tabata Puff Daddy ainda;

Do you know what beef is?

Kon ku mi bòlt’é, e kontesta lo ta nò. I si e kontesta ta nò, mucha muhe, keda rùstig i komporta bo segun bo edat.

Den laat e mucha muhe aki a laga nos tende un kantika ku mi a haña hopi mas age apropriate, yamá “Piña Colada.”

Mi ta muchu grandi p’e kosnan aki, pero e kantika aki ta un poko mas segun edat di e mucha muhe aki ku segun mi a mira tin solamente 17 aña.

E kantika ta papia di bebementu di piña colada, mi ta spera ku ta virgin piña colada tambe eigenlijk. Pero segun e resèpt ku nos tabatin mag di haña, kortesia di Lil Queen, no tin alkohòl den dje. Dùs ei, dal bo piña colada keda rùstig, paso bo no ta karnisero, kemen e weg’i beefnan ei no ta bai no.

Anto btw, ora e kantika sali, djis kòrda ku e kos ta Piña Colada, no Piña Calada. I na papiamentu nos no sa huza C pa kumisa palabra, maar K. Maar goed e mucha muhe su stèm por ta irritant, pero ‘flow hopi duru mane Jacyntha su wantaaa.”

Anyways, mas kantika manera esaki ami lo por apoya. Kuenti beef ku enemies siii…. Dobla warda k’e kosnan ei.