in

Please No Bin Puntra Mi Ko’i Kèns Kuent’i Mr. Bean A Muri!

Rowan Atkinson aka mr. Bean a muri, no ta bèrdat

Siman pasa m’a bisa bosnan kaba ku lesamentu ta un kos hopi importante. Pero blijkbaar niun hende no ta lesa. Ata m’a haña mi ku un par di hende ta bin papia kuenta di ku mr. Bean a muri. Den e kaso aki no mr. Bean mes, pero e aktor ku a hunga mr. Bean hopi aña pasa. E aktor su nòmber mayoria hende no sa, nos konose komo mr. Bean, su nòmber mes ta Rowan Atkinson.

Yen hende grandi ta gusta pasa e notisia fake nan riba Facebook i whatsapp. P’esei nos tin ku kita smartphone for di e hendenan aki i baha nan for di Facebook. Bo tionan aki ta kai pa tur trampa online.

Pero bon, loke mi kera bisa ta asinaki; No bin puntra mi ku m’a tende ku mr. Bean a muri. Paso e hòmber ta bon bon na bida. I si bo no ta kere mi, djis google (no ta pòrnada bo tin’é riba bo telefòn).

E tipo di hoaxnan aki ta bini kada tantu tempu, ku nan ta gaña ku un sièrto artista a muri. Aki 3 stap pa bo wak pa bo mes ku e kos aki ta bèrdat si òf nò:

1. Si ta bo tio of tanchi a pas’é pa bo via app.

Tanchi ku tionan aki of bo kolega di 60 aña standart ta kai p’e trampanan aki. Si ta nan a manda mensahe di RIP riba app of Facebook. No kere nan. Nan no sa di kiko nan ta papiando. Si ta resultado di sorteo wega di number korsou sii… Kere nan. Pero artista internashonal ku a muri.. Miho bo buska un fuente mas konfiabel pa esei.

2. Bo por Google pa chèk.

Si bo resultadonan di Google ta duna bo solamente headline di site nan ku no ta konosi aka no ta site di notisia grandi manera The Guardian, Daily Mail, The Huffington Post, Fox News etc, no kere. Esaki ta señal ku ta un hoax.

3. Wak e linknan ku nan ta klòp ku e titulo.

Wak e titulo di e artikulo, e por bisa bo Fox Breaking News. Esei ta pone bo kere unbes. Pero awor wak e link bou di dje, e URL. Ta di Fox News? Nò? Awèl no kere. Ta hoax.

Wak un ehèmpel den e screenshot akibounan. E titulo (n’e ultimo resultado marka lila) ta bisa FOX Breaking News. Pero wak e url (e parti marka ku kòra), esei ta un site ku porta bo no a yega di tende di dje nunka, paso no ta e url di fox news.

Mr. Bean Dead Hoax - mr Bean ta na bida

Awor ku bo por identifika un hoax pa bo mes, bai dal un baño kita salu for di bo kurpa i buska kushinamentu p’e muchanan haña. Paso mr. Bean morto òf bibu, no ta kushinan pa nan.

Pasa un dushi Djadumingu verder.

Report

What do you think?

Written by Aino Korsou

Comments

Geef een reactie

Loading…

0
Ki Ta Bai Tin - Respet Pa Tesla

Zo Zie Je Weer.. Lesamentu Ta Importante!

Ymbert Hato ta splike ta konta beef ku Rich

Rich A Lora, Ma Sinti Un Holo. Ta Ken A Puya Asina? Ymbert Ta Bo?