Awo Rich… Ba Subi Riba Ymbert. Pero B’a Hanja Bo Mic Bek?

by Aino Korsou 27 maart 2017, 1:43 pm 442 Views 3 Comments

Wak shonnan, ami no ke pusha palu bo’i kandela ni nada. Pero Rich a bin pull un Power move, hasi un huisbezoek serka Ymbert, pone Ymbert puya. Leuk en aardig. Pero e gai ku a kita bo mic fo’i bo awo?

B’a bai hunga tof serka dje tambe? Paso segun mi despues ku b’a tira brasa riba su skouder na e fiesta, nada u’n sali’fo. I segun mi bo’n hanja bo mic te hasta dia djawe.

Pero esei ta spekulashon. P’esei mi ke puntra bo awe Rich:

Ba haña bo mic bèk?

Si b’a hañ’é, mi ta kontentu pa bo. I si bo a sera chanchan ba kabes manera Ymbert a hasi, ta poko laf.

Of mi ta robes? Kemen si ta e gai duru ku bo ta pretende di ta aki, dor di lanta pone preshon rib’un gai ku mane mi ta mira ta poko suak. Bo ta haña bo tin ku sigui pone preshon. Paso nan a kita bo mic, ta brasa so bo no a brasa e homber den backgroundnai.

E ora ei bo no a pone preshon pone e gai leg uit ku e tin spijt ku ela falta bo rèspèt i ku ta stoer e kera hunga den hende dor di kita bo mic. Pero e gai chiki ku a kanta tokante e situashon si bo ke primi??

Ami’n sa wa. Ko’i ta ko’i gai suak wa. Of porta ta ami tambe, si ta asina, laga mi sa..

Update: M’a haña comment tokante ta gai mariku mi ta i ku mi tin chens di muri pa loke ma skibi. Uhm… Mi a approve e comment aki djis pa boso por mira ta den ki mundu putri nos ta bibando. Kaminda hende ta pensa ku ta bon pa un hende pèrdè su bida pa un opinion. Serio?! Ami ta sakudiendo mi kabes so ta bai aki. Paso esaki si ta tristu. Serio.

Anto pa henter e geval aki, mi ke bisa tur hende lesando. No laga orguyo ta bo drive. Hendenan ku ta laga orguyo guia nan, ta tipo di kosnan aki nan ta hasi. Un hòmber grandi ku ta sigur di su mes, no tin nèt nèt nada di bewijs na niun hende. I mesun kos den e kaso aki. Niun hende no tabata pensa riba e kos aki mas, pero ta parse mi ku orguyo ta pone ku nos tin ku ban resusita un situashon bieu ku niun hende no tabata pensa riba dje mas. Djis pa bisa ku ta gai duru mi ta. ta ègt nesesario?

Ami no sa, pero tin hende tin otro prioridatnan den bida. Jammer henter e geval aki si. Pero m’a kore atrobe.

Peace out!

Report