McDonalds Por Yama Su Mes Un Fastfood Restaurant Ainda?

Bo sa, for di chiki nos a kustuma ku ratu ratu bo mester hinka un tiki fastfood/junkfood den nos sistema. Tur mucha ta bira kontentu ora nan mira e boog helnan djalue. Pa mayornan esaki tabata un manera fasil i lihe pa por kome riba dianan di flohera.

Awor ku mi ta un tiki mas grandi, mi a kumisa ripara ku e fastfood ku mi ta komiendo aki no ta dje fast ei. Standaard tin mane 3 kassa pone, pero 1 di nan ta manera pa prònk. Mayoria bia ta max. 2 mi sa mira habri. Ounke ku bo ta sinta ta warda fo’i antayera, esun kassa di 3 ei no ta habri. E punto ta, bo ta warda un eternidat den rei di e luga ei.

Si bo ta bai McDonalds bo por konta di pèrdè sigur mane 20-30 minüt di bo dia. Asin’ei, sea ta drive thru of ta paden bo bai. No tin masha diferensia. I eerlijk gezegd ami a kumisa kansa di e kosnan aki. Aña a habri, preisnan subi, pero servisio i e kantidat di tempu ku bo ta tarda eiden a keda meskos. P’esei mes i tambe teniendo na kuenta ku e no ta bon pa mi salu, mi a baha man basta na kome e kuminda suppose fastnan aki.

Pero awor e pregunta: McDonalds i mi ta papiando di Kòrsou, e por yama su mes un fastfood restaurant?